Kamberi në drekë pune me Ambasadorin e Shqipërisë në Beograd, diskutohet për çështjen e Luginës

Deputeti shqiptar në Kuvendin e Serbisë, , me ftesë të Ambasadorit të Republikës së Shqipërisë në Beograd, , ka marrë pjesë në një drekë pune në Beograd, së bashku me kryetarin e , Enkel Rexhepi dhe bashkëpunëtorë të tjerë.

Sipas Kamberit, takimi u zhvillua në frymën e bashkërendimit dhe koordinimit të vazhdueshëm me Ambasadën e Shqipërisë, në një atmosferë vëllazërore, ku u diskutuan temat që lidhen me pozitën e shqiptarëve në Luginën e Preshevës.

Gjatë bisedës, palët u dakorduan për intensifikimin e takimeve dhe bashkëpunimit me faktorin ndërkombëtar, me synimin për të vazhduar avokimin për çështjen e Luginës së Preshevës.

Deputeti Kamberi theksoi se qëndrimet dhe kërkesat e përfaqësuesve shqiptarë ndër vite janë në harmoni të plotë me vlerat fundamentale të Bashkimit Evropian, duke shtuar se këto qëndrime gjejnë mbështetje edhe nga Ambasada e Republikës së Shqipërisë në Beograd.