Intensitet i shtuar i komunikacionit gjatë vikendit nëpër Serbi

Gjatë këtij vikendi pritet rritje e ndjeshme e intensitetit të komunikacionit nëpër rrugët e Serbisë, për shkak të sezonit të pushimeve të Krishtlindjeve si dhe vitit të ri. Sipas paralajmërimeve, pritet fluks i shtuar i udhëtarëve nga vendet perëndimore nëpër Serbi.

Për momentin, në pikat kufitare në hyrje të Serbisë nuk ka tollovi të theksuara. Pritjet aktuale janë deri në 30 minuta, ndërsa intensiteti i qarkullimit pritet të rritet gjatë ditës së nesërme.

Të gjitha rrugët nacionale janë të kalueshme, ndërsa sipas të dhënave të AMSS-së, është hequr edhe mjegulla që ishte e pranishme në orët e mëngjesit. Gjithashtu, nuk raportohet për kolona apo vonesa në pikat e pagesës rrugore.

Megjithatë, autoritetet u bëjnë thirrje ngasësve të veturave për kujdes të shtuar, sidomos në ura, kthesa dhe segmente rrugore ku kushtet mund të ndryshojnë papritur. Respektimi i sinjalizimit rrugor dhe përshtatja e shpejtësisë me kushtet e rrugës mbeten thelbësore për një udhëtim të sigurt.

Më poshtë foto nga vendkalimi kufitar Horgosh dhe harta e qarkullimit nëpër Serbi. (Burimi AMSS)