Donatori anonim dhuron pajisje për shtëpinë e shëndetit

Një bashkëqytetar i yni i cili jeton në Evropën Perëndimore i ka dhuruar sot shtëpisë së shëndetit në Bujanoc një aparat për koncetrimin e oksigjenit.

Lajmin e kë bërë publik mjeku i emergjencës pranë këtij institucioni shëndetësor, Bejtulla Ajeti, duke theksuar se donatori ka dashur të mbetet anonim.

Ky është postimi i dr. Ajetit:

Sot dua të ndaj një lajm të mirë, një mik i imi që punon në perendim ka dhuruar këtë aparat për koncentrim të Oksigjenit.

Duke respektuar dëshirën e tij,emrin nuk mundem ta bëj publik.

Ndihem i nderuar dhe i respektuar si mjek që solidariteti,ndihma dhe zemërgjerësia janë vyrtyt i këtij djali të ri. Zoti të shpërbleft ty e familjen miku im.

Respekt!