Arifi: Ambasadori i Shqipërisë pjesëmarrës i takimit për unifikim

Kryetari i Alternativës për Ndryshim, Shqiprim Arifi, ka bërë të ditur sot se në takimin e ftuar nga subjekti i tij politik, të shtunën, pjesëmarrës do të jetë ambasadori i Shqipërisë në Serbi, Ilir Boçka.

“Ftesës për pjesëmarrje në takimin e përbashkët të gjitha partive politike shqiptare të Luginës për të rikonfirmuar Marrëveshjen e 2020 për zgjedhjet parlamentare, do të bashkangjitet edhe Shkëlqesia e Tij Ambasadori z. Boçka.

Ju faleminderit! ” ka shkruar Arifi në Facebook.

Kujtojmë se dje, APN përmes një ftese publike ka ftuar në një takim të gjitha subjektet politike shqiptare për unifikim rreth një liste zgjedhore për zgjedhjet parlamentare.