Visar Memeti kandidat për deputet nga Alternativa për Ndryshim

Këshilli Qendror i Alternativës për Ndryshim zhvilloi mbledhjen e radhës, ku ndër pikat kryesore të rendit të ditës ishte përcaktimi i kandidaturës për deputet dhe angazhimi i partisë në procesin zgjedhor.

Pas diskutimit dhe shqyrtimit, Këshilli Qendror vendosi që kandidat për deputet nga radhët e Alternativës për Ndryshim të jetë kryetari i partisë, z. Visar Memeti.

Andaj, Alternativa është e bindur se përfaqësimi më dinjitoz dhe më i përgjegjshëm i shqiptarëve në këto zgjedhje të parakohshme parlamentare është përmes një liste të përbashkët. Në rrethanat aktuale, bashkimi i forcave politike shqiptare rreth një qëllimi të përbashkët do të ishte një mesazh i qartë i përgjegjësisë politike, unitetit dhe përkushtimit ndaj interesave të qytetarëve tanë.