Staroviq nga MPJ e Serbisë: Iniciativa e shqiptarëve nga jugu e prirur për dështim  

Sekretari shtetëror në  Ministrinë e Punëve të Jashtme të Serbisë, Nemanja Staroviq, ka deklaruar se duke pasur parasysh procedurën ekzistuese mbi bazën e së cilës funksionon Këshilli i Sigurimit i OKB-së, çdo iniciativë që do të tematizonte apo vendoste në rend dite qëndrimin e minoritetit shqiptar në Serbi është e e prirur për të dështuar, shkruan Tanjug, transmeton FOLonline.

Staroviq i bëri këto komente pas njoftimit të delegacionit të përfaqësuesve politik nga Lugina të cilët pas takimit me ambasdorin e Shqipërisë në OKB, Ferit Hoxha, theksuan se çështja e shqiptarëve nga ky rajon do të ngritet edhe në nivelin e Këshillit të Sigurimit të OKB-së.

Sekretari shtetëror ka thënë se kjo çështje nuk mund të ngritet në Këshillin e Sigurimit ngase procedurat nuk e lejojnë një gjë të tillë.

Javën e kaluar Shqipëria mori për herë të parë presidencën njëmujore të Këshillit të Sigurimit të Kombeve të Bashkuara.