Komisioni Republikan Zgjedhor-KRZ ka certifikuar sonte rezultatet e zgjedhjeve parlamentare të zhvilluara më 17 dhjetor të vitit të kaluar. Lis
Komisioni Republikan Zgjedhor-KRZ ka certifikuar sonte rezultatet e zgjedhjeve parlamentare të zhvilluara më 17 dhjetor të vitit të kaluar.
Lista zgjedhore “Beteja politika e shqiptarëve vazhdon-Shaip Kamberi “ edhe zyrtarisht ka fituar një mandat parlamentar i cili në bazë të renditjes dhe marrëveshjes paraprake të koalicionit do t’i takojë Shaip Kamberit, raporton FOLonline.
Ky do të jetë mandati i katërt i Kamberit në legjislativ.
Kjo listë ka siguruar votat e 13.501 votuesve apo 0,35 % prej tyre.
Në anën tjetër, lista tjetër shqiptare “Alternativa Demokratike Shqiptare-Lugina e Bashkuar “ ka ngelur pa mandat ngase ka grumbulluar vetëm 3.235 vota apo 0,08 %.
Sa i përket rezultateve në nivel shteti nga 6.500.666 qytetarë në regjistrin votues, në zgjedhje kanë marrë pjesë 3.820.746 ose 58,77%.
Renditja e listave zgjedhore dhe numri i mandateve në parlament:
- Aleksandar Vuçiq- “Serbia s’guxon të ndalet “1.783.701 (46.75%)- 129 mandate
- “Serbia kundër dhunës” Marinka Tepiq, Miki Aleksiq… 902.450 (23.66%)-65 mandate
- SPS-“ Ivica Daçiq kryeministër” 249.916 (6.55%)- 18 mandate
- Koalicioni “Shpresa “-Millosh Jovanoviq 191.431 (5.02%)- 13 mandate
- “ Ne-zëri i popullit “, Branimir Nestoroviq -178.830 (4.69%)- 13 mandate
- Lista e hungarezëve të Vojvodinës -64.747 (1.7%)- 6 mandate
- “Të bashkuar rreth drejtësisë”-Usama Zukorliq-29.067 (0,76)-2 mandate
- SDA Sanxhak- Sulejman Ugljanin-21.827 (0.57%)-2 mandate
- Beteja politika e shqiptarëve vazhdon-Shaip Kamberi)- 13.501 (0,35 %)- 1 mandat
- Partia ruse-11.369 (0.3%)-1 mandat
LIstat tjera nuk kanë siguruar mandate në parlament ngase nuk e kanë kaluar pragun e nevojshëm.
Parlamenti i Serbisë ka 250 deputetë.
COMMENTS