Ambasadori i Shqipërisë në Beograd, Bardhyl Canaj, ka mirëpritur sot shefen e re të sapoemëruar të Katedrës së Gjuhës Shqipe në Fakultetin Filolog
Ambasadori i Shqipërisë në Beograd, Bardhyl Canaj, ka mirëpritur sot shefen e re të sapoemëruar të Katedrës së Gjuhës Shqipe në Fakultetin Filologjik të Universitetit të Beogradit, Merime Krijezi.
Sipas njoftimit të Ambasadës, gjatë takimit është diskutuar për thellimin e bashkëpunimit ndëruniversitar dhe forcimin e lidhjeve akademike ndërmjet institucioneve të arsimit të lartë.
Canaj ka theksuar rëndësinë e shkëmbimeve të pedagogëve dhe studentëve ndërmjet universiteteve në Shqipëri dhe Fakultetit Filologjik në Beograd, duke e vlerësuar këtë si një hap të rëndësishëm për rritjen e bashkëpunimit akademik, ndarjen e përvojave dhe promovimin e programeve të përbashkëta studimore dhe kërkimore.
Po ashtu, ambasadori ka shprehur mirënjohje për bashkëpunimin me ish-shefen e Katedrës së Gjuhës Shqipe, Naile Imami, për kontributin e saj ndër vite, duke i uruar një pension të mbarë.
COMMENTS