Është për keqardhje se si u interpretua shkarkimi i drejtorit të vetëm shqiptar të një institucioni shëndetësor në Serbi nga vet shqiptarët. Sh
Është për keqardhje se si u interpretua shkarkimi i drejtorit të vetëm shqiptar të një institucioni shëndetësor në Serbi nga vet shqiptarët.
Shumë pak i dhanë konotacion kombëtar kësaj ngjarje e shumë më shumë ngjyra politike.
Driton Salihun disa nuk hezituan ta mveshin me petkun politik duke shpalosur qartazi shenjat e gëzimit për shkarkimin e tij.
Gati se u harrua se Salihu ishte drejtor i një shtëpie shëndeti në një komunë ku mbi 95 përqind e popullsisë është shqiptare.
Të gëzohesh për shkarkimin e një drejtori shqiptar vetëm pse ka vendosur të ndjek një rrugë politike është papjekuri e atyre që mendojnë se i kanë prekur majat e politikës dhe se vetëm ata janë gardianët e shqiptarisë në këto treva.
Nuk e di se si do të veprojnë të njejtit kur ta kuptojnë se Driton Salihu mund të ishte vetëm i pari i „fshesës“ shqiptare në Serbi.
Mos u habitni nëse në një të ardhme të afërt fillon suspendimi i mjekëve shqiptarë, nëpunësve policorë, gjyqtarëve…
Mos u habitni edhe nëse në shkollat ku të gjithë nxënësit janë shqiptarë, ju vie drejtori serb.
Vetëm vazhdoni e politizoni gjithçka por një ditë do të vetpolitizoheni në gjykimin historik nga ajo pjesë e popullsisë e cila do të mbetet në Luginë ndërsa do të mallkoheni nga ata që do ta lëshojnë këtë hapsirë.
Rasti i Driton Salihut është vetëm një matje e pulsit se si do të reagojnë shqiptarët për episodet tjera që do të pasojnë.
Kësaj here dështuam. Fillimin e patëm katastrofë dhe turpërues!
COMMENTS