Përfundon projekti “MË PAK MBETURINA, MË PAK RREZIK, MË SHUMË SHËNDET”

Në ambientet kuvendit komunal në Preshevë, u bë mbyllja e projektit të realizuar nga IPA2, si bashkëpunim ndërkufitar mes Serbisë dhe Maqedonisë së Veriut.

Siç njofton faqja zyrtare e komunës së Preshevës, projektin e udhëhequr nga përfaqësues të NP Moravica në bashkëpunim me Komunën e Likovës, sot me një fjalë rasti e hapi kryetari i komunës, Shqiprim Arifi, i cili u shpreh se nismat për ringjalljen dhe mirëmbajtjen e ekologjisë janë pjesë e vizionit në qeverisje e që do të kenë mbështetje institucionale kurdo herë.