Pajaziti në Lluçan: Takime të drejtpërdrejta për planifikimin e vitit të ardhshëm

Kryetari i Komunës, Arbër Pajaziti, e ka nisur sot mëngjesin në fshatin Lluçan, ku ka zhvilluar një takim me kryetarin e Bashkësisë Lokale, Mensurinin, dhe bashkëpunëtorët e tij.

Gjatë një bisede të hapur, janë diskutuar sfidat dhe të arriturat e vitit 2025, si dhe planet dhe projektet që pritet të realizohen në vitin e ardhshëm. Pajaziti theksoi rëndësinë e komunikimit të drejtpërdrejtë me përfaqësuesit lokalë dhe banorët e fshatrave, duke vlerësuar këto takime si thelbësore për dëgjimin nga afër të nevojave reale të qytetarëve.

Sipas tij, takime të tilla ndihmojnë në një planifikim më të mirë të hapave të radhës dhe në përcaktimin e prioriteteve për zhvillimin e qëndrueshëm të komuniteteve lokale.