Ndeshja e ardhshme kualifikuese për Kampionatin Botëror ndërmjet përfaqësueseve të Serbisë dhe Shqipërisë, që do të zhvillohet në stadiumin “Dubocica” në Leskovc më 11 tetor, nga të gjitha institucionet kompetente – FIFA, Ministria e Punëve të Brendshme e Republikës së Serbisë dhe Federata e Futbollit të Serbisë – është shpallur ndeshje me rrezikshmëri të lartë sigurie.

Me qëllim që të sigurohet siguria maksimale e të gjithë pjesëmarrësve dhe shikuesve, FIFA ka marrë vendim që, posaçërisht për këtë rast, të dërgojë në Leskovc dy oficerë sigurie. Prania e tyre e konfirmon rëndësinë dhe seriozitetin e këtij takimi në aspektin e sigurisë, por gjithashtu thekson edhe detyrimin e të gjithë akterëve që sporti të vihet në plan të parë.

Opinionit sportiv i kujtohet ende se ndeshja e mëparshme ndërmjet këtyre përfaqësueseve në Beograd, në tetor të vitit 2014, u ndërpre për shkak të incidenteve të rënda, gjë që la pasoja të thella për ekipin tonë kombëtar dhe për futbollin serb – si në aspektin rezultativ, ashtu edhe në atë financiar. Pikërisht për këtë arsye kemi një përgjegjësi të veçantë që një skenar i tillë të mos përsëritet, por të dëshmojmë se Serbia di dhe duhet të jetë nikoqir i një ngjarjeje të madhe sportive në përputhje me standardet më të larta ndërkombëtare.

Federata e Futbollit të Serbisë, në bashkëpunim me Ministrinë e Punëve të Brendshme, UEFA-n, FIFA-n dhe të gjitha organet kompetente, po ndërmerr të gjitha masat e nevojshme që ndeshja të zhvillohet në atmosferë fair-play, pa incidente dhe në frymën e sportit.