Këshilli Kombëtar Shqiptar pranë fëmijëve shqiptarë në Sanxhak

Në ambientet e zyrës së Këshillit Kombëtar Shqiptar në Novi Pazar janë shpërndarë çanta shkollore për fëmijët shqiptarë që jetojnë në Sanxhak.

Kjo nismë synon të lehtësojë fillimin e vitit të ri shkollor dhe të përçojë mesazhin e mbështetjes për familjet shqiptare në këtë trevë.

Këshilli Kombëtar Shqiptar theksoi se mbetet i përkushtuar të jetë pranë çdo shqiptari, kudo që jeton, në mënyrë që ata të jenë të lirë të shprehin dhe të kultivojnë identitetin e tyre kombëtar.