Arifi në festën shtetërore të Japonisë

Kryetari i komunës së Bujanocit, Nagip Arifi, ka qenë prezent në një manifetim të organizuar nga Ambasada e Japonisë në Beograd me rastin e Ditës Shtetërore të këtij vendi.

Ndër të tjera, Arifi është parë edhe në shoqëri të ambasadorit të Shqipërisë në Serbi, Bardhyl Canaj dhe shefit të Zyres Ndërlidhëse të Kosovës, Jetish Jashari.

“Në festën shtetërore të Japonisë për nderë të Mbretit Japonez, isha i prezent në pritjen e organizuar nga ambasadori i Japonisë në Beograd Sh.T. Imamura Akira.

Gjatë këtij eventi, takova edhe dy ambasadorët shqiptarë, Sh.T. Bardhyl Canaj dhe Sh.T. Jetish Jashari”, ka shkruar Arifi në Facebook.