Mitroviq: Akoma s’jemi dakorduar me Arifin, PD as një fjalë të vetme për takimin me SNS-in

Lideri i progresistëve lokal në Bujanoc, Nenad Mitroviq, ka deklaruar se as pas takimit të sotëm nuk janë marrë vesh me Partinë Demokratike të Nagip Arifit për koalicionin e ardhshëm në Bujanoc, transmeton FOLonline.
Në një deklaratë për portalin “ Bujanovaçke “ Mitroviq ka thënë se kontestuese mbetet pozita e kryetarit të Kuvendit Komunal për të cilën nuk është rënë dakord.
Njeriu i parë i SNS-it në Bujanoc nuk ka dashur të zbulojë më shumë se në cilat pika janë përafruar qëndrimet me PD-në.
Për takimin midis PD-së dhe SNS-së ka reaguar edhe PVD.
Përmes një komunikate për opinion PVD ka akuzuar kreun e PD-së se pikërisht takimi i sotëm me SNS-in dëshmon se unifikimi i shqiptarëve në Bujanoc ishte vetëm një farsë nga ana e tyre.
Nga ana tjetër, kryetari i PD-së, Nagip Arifi, nuk është deklaruar asnjëherë për takimimet e tij me SNS-in.
Mbajtjen e takimeve pas zgjedhjeve me “ progresistët “ serbë Arifi e kishte pranuar në një konferencë për media vetëm pasi për ato fillimisht kishte shkruar FOLonline.