Kamberi takohet me ambasadorin amerikan Kristofer Hill

Deputeti popullor, Shaip Kamberi, është takuar sot në Beograd me ambasadorin e Sh.B.A,-së, Kristofer Hill.

Lajmin e bëri të ditur vet Kamberi përmes një postimi në Facebook.

“Në Ambasadën e SHBA në Beograd, bashkëbisedova sot me Ambasadorin e Shteteve të Bashkuara të Amerikës 🇺🇲, SH. T. Christopher R. Hill.

Me ambasadorin Hill bashkëbiseduam për kërkesat të cilat në emër të Koalicionit të shqiptarëve të Luginës ia kemi dhënë presidentit Vuçiq, për nevojën e realizimit të Planit 7 pikësh dhe për situatën në Luginë në përgjithësi.

Prezenca më e madhe e SHBA-ve në Luginë dhe përkrahja e kërkesave tona legjitime ishin temë e bashkëbisedimit tonë”, ka shkruar Kamberi.