HomeEditorial

Komunë: Kujdes kujt po i jepni pare

Rasti i sotëm i ndeshjes futbollistike të vlefshme për Kupë, të zhvilluar në Tërnoc, midis KF Tërnoci dhe BSK nga Bujanoci duhet të ndezë alarmin

“Bujanoci si Las Vegasi”
Kamberi mirëpret emërimin e Hillit për ambasador
Pajaziti: Pse mos t’ishte i mundur koalicioni APN-PDSH në Preshevë?

Rasti i sotëm i ndeshjes futbollistike të vlefshme për Kupë, të zhvilluar në Tërnoc, midis KF Tërnoci dhe BSK nga Bujanoci duhet të ndezë alarmin tek zyrtarët e komunës se si janë ndarë deri më tash dhe si do të ndahen në të ardhmen mjetet për sport.

Joserioziteti nga skuadra mysafire e cila paraqitet në fushë vetëm me 8 lojtarë paraqet një rast flagrant të talljes me publikun por edhe është shëmtuese për sportin dhe sportistët në tërë komunën e Bujanocit.

Kjo nuk do të thotë se BSK-së nuk duhet t’i ndahen mjete financiare, përkundrazi, duhet stimuluar sidomos gjeneratat e reja, por është një shembull jo i mirë për klubet tjera.

E për fat të keq, në këtë komunë, shumë klube marrin fonde nga komuna e në aspektin garues janë të barabartë me zerro.

Sporti kërkon seriozitet sikurse sferat tjera shoqërore dhe se në asnjë mënyrë nuk do të thotë se dikush duhet të „përtyp“ djersën e tjetërkujt.

Komuna e Bujanocit duhet të tregohet mjaft e vëmendshme kur ndanë fonde për sport e sidomos kujt po ia ndanë.

Themelimi i një klubi sportiv nuk kushton më tepër se 50 euro, e të tillë, vetëm në letër ka mjaft në këtë komunë.

Ka edhe të tilla klube që i marrin 200.000-300.000 dinarë nga komuna e më pas i lënë garat në gjysëm dhe askujt asgjë.

Është momenti i fundit që komuna të dallojë profesionalizmin dhe përkushtimim nga improvizimi.

E nëse improvizimi vazhdon edhe në sport, atëherë shumë shpejt mund të mbesim edhe pa të.

 

COMMENTS


Notice: ob_end_flush(): failed to send buffer of zlib output compression (0) in /home/folonline/public_html/wp-includes/functions.php on line 4615