Kryetari i Këshillit Kombëtar Shqiptar, Nevzad Lutfiu, ka publikuar sot një përmbledhje të aktiviteteve për tremujorin e fundit nga gjithsejt 9 mu
Kryetari i Këshillit Kombëtar Shqiptar, Nevzad Lutfiu, ka publikuar sot një përmbledhje të aktiviteteve për tremujorin e fundit nga gjithsejt 9 muaj që udhëheq me institucionin.
Ai ka ndarë aktivitetet sipas fushave të veprimit të cilat janë ingerencë e KKSH-së si dhe ka potencuar zhvillimet në zyret ndërlidhëse në Medvegjë, Preshevë dhe Novi Pazar.
Postimi i Lutfiut:
Sot u bënë 9 muaj që kur u emërova kryetar i KKSH-së.
Ky është raporti i tretë i angazhimeve për muajt dhjetor, janar, shkurt. Kam realizuar 14 udhëtime jashtë vendit, me 500 euro shpenzime, 0 meditje.
Fusha arsimit:
– Kemi lobuar deri në arritjen e qëllimit për renovimin e shkollës fillore ”Sami Frashëri” në LLuçan.
– Siguruam 10 bursa nga Universiteti Tiranës për studentët e Luginës për vitin e ri akademik.
– Siguruam 5 vende për studentë të Luginës në Konviktin e Shkodrës për vitin e ri akademik.
– Organizuam kursin e matematikës për maturantë.
– U realizua pjesa e dytë e seminarit ”Shkolla dhe shëndeti mendor”.
– Ndamë shpërblime për nxënësit e suksesshëm.
Fusha e kulturës:
– I dhamë mbështetje talentëve të rinjë.
– Organizuam tryezë me ushqime tradicionale
shqiptare në Pazarin e Ri.
– Shënuam Ditën e Plisit në Preshevë.
Fusha informimit:
– Filluam procedurat për sigurimin e një korrespondenti nga Lugina për Televizionin Shqiptar
Zyret e KKSH:
– Zyra e Medvegjës: Kemi shtuar një dinamikë të re të punës dhe janë duke u përpiluar raporte të rregullta mbi gjendjen e shqiptarëve të Medvegjës.
– Zyra e Preshevës: Kemi tejkaluar situatën me Shtëpinë e Kulturës dhe zyra është krejtësisht funksionale.
– Zyra në Pazarin e Ri: Kemi dy grupe që po e ndjekin kursin e gjuhës shqipe, zyra është mjaft aktive.
COMMENTS