Kush është personi që plaçkiti shtetasit e huaj në autostradën afër Vranjës?

Një ish-oficer policie (1963) u arrestua nga anëtarët e Drejtorisë së Policisë në Vranjë për shkak të dyshimit se në fund të dhjetorit, duke u kamufluar se ishte polic dhe duke përdorur rotacione të policisë në një veturë Audi, ndaloi dy shtetas të huaj të cilët po udhëtonin me një makinë me targa gjermane pranë fshatit Panevlje, në autostradën Nish-Vranjë, dhe u grabiti 10,000 euro.

Ai dyshohet se ka kryer krimin e grabitjes, dhe të mbajtjes dhe posedimit të armës.

Sipas informacionit nga burime pranë hetuesisë, gjatë kontrollit në shtëpinë e ish-oficerit të policisë, u gjet një pushkë automatike, një pistoletë, dy bomba, një uniformë policie, një ID zyrtare, rotacione dhe një tabelë me mbishkrimin “ndal policia”.
Ish-oficeri i arrestuar i policisë u urdhërua të mbahej nga policia deri në 48 orë.

Përfaqësuesit e zyrës së prokurorit kompetent, të cilët janë duke marrë përsipër këtë çështje, do të bëjnë një propozim mbi masat e mëtejshme kundër tij.

Kujtojmë se , sipas burimeve të policisë, grabitja ndodhi në fund të dhjetorit në afërsi të fshatit Panevlje, kur një person me uniformë doli nga “Audi”, i armatosur me një armë automatike dhe vodhi shumën e përmendur të parave nga të huajt.
Dy pasagjerë u dëmtuan atëherë – njëri nga Shqipëria dhe tjetri nga Maqedonia.

Rasti u raportua në policinë e Vranjës dhe zyra e prokurorit kompetent tashmë po punon për të.
Poashtu, një rast ndodhi në Surdulicë rreth dhjetë ditë para këtij rasti, kur dy burra kapën një të mitur dhe u morën asaj një sasi të vogël parash, duke u paraqitur si inspektorë policie.

Si rrjedhojë, qeveria serbe miratoi ndryshime në Dekretin mbi pamjen, formën dhe përmbajtjen e ID-së zyrtare dhe kartelës zyrtare të identifikimit, e cila përcakton “ndalimin e mbajtjes së ID-së dhe kartelës zyrtare të identifikimit nga persona që nuk janë pjesëtarë të Ministrisë së Punëve të Brendshme”.

Gjobat për individët që bëjnë diçka të tillë shkojnë nga 100,000 deri në 150,000 dinarë.