Deputeti popullor, Shaip Kamberi, ka kërkuar sot nga qytetarët ta nënshkruajnë peticionin për ndërtimin e Qendrës Memoriale në Batajnicë në përkujti
Deputeti popullor, Shaip Kamberi, ka kërkuar sot nga qytetarët ta nënshkruajnë peticionin për ndërtimin e Qendrës Memoriale në Batajnicë në përkujtim të viktimave të luftës së Kosovës të cilët ishin zbuluar në varrezat masive në këtë lokalitet.
Iniciativën e Fondit për të Drejtën Humanitare e ka nënshkruar edhe vet Kamberi ndërsa në postimin e tij ka publikuar vegëzën se ku duhet qytetarët të japin firmën e tyre.
Postimi i Kamberit:
Të nderuar qytetarë,
Ju ftojë të solidarizoheni me firmosjen e këtij peticioni qytetar për ta krijuar Qendrën Memoriale në Batajnicë, të cilin sapo e firmosa.
Siç e dini, Batajnica është një nga varrezat masive në Serbi, ku janë hedhur trupat e qindra civilëve të pafajshëm, edhe të moshuar, gra dhe fëmijë.
Me qëllim të zhdukjes së gjurmëve dhe të ikjes nga drejtësia, pas vrasjes në mënyrë monstruoze, kufomat e viktimave janë bartur mbi 400 km nga vendi i krimit, nga ana e urdhërdhënësve dhe ekzekutuesve, që ishin edhe zyrtarë shtetërorë të Republikës së Serbisë.
Kjo hapësirë, ku janë varrezat masive shfrytëzohet ende sot nga pjesëtarët e Ministrisë së Punëve të Brendshme të Republikës së Serbisë.
Peticionin e organizuar nga Fondi për të drejtën humanitare, mund ta firmosni në këtë vegëz:
https://www.batajnicamemorialinitiative.org/al/peticija
Faleminderit.
COMMENTS