Ja kush e merr “përgjegjësinë” për vendosjen e bilbordeve…

Zakonisht jemi mësuar të dëgjojmë se si organizata të ndryshme të shpallura ose jo si terroriste, si Al-Kaida, Hamas, Hezbullah, IRA, ISIS, etj; të marrin përgjegjësinë pas sulmeve ku ngelin të vrarë apo të plagosur persona në vende të ndryshme të botës. Por të pakten janë rastet kur dikush vepron nga prizmi i shoqërisë civile dhe duke shprehur një simbolikë vihet në shërbim të diçkaje që mendon se është me vlerë për shoqërinë të cilës i përket.

Gjatë vikendit, qytetet e Bujanocit dhe Preshevës kishin gdhirë me figurën e kryediplomatit shqiptar, Gent Cakaj, e vendosur në bilborde në dy qendrat e tyre.

Ky akt zgjodhi “kurreshtjen” e mediave por edhe të politikanëve e figurave tjera jo vetëm në Serbi por edhe në rajon.

“ Kush i vendosi athua bilbordet “?, ishte pyetja që shtrohej në kërkim të “fajtorit”.

Duke e parë këtë “pluhur” të ngritur gjithandej, inicuesi sot mori “përgjegjësinë” për veprimin e kryer.
“ Këtë e bëmë NE, kurse inicuesi isha unë “.

Kështu u deklarua në postimin e tij në Facebook aktivisti i shoqërisë civile nga Presheva, Valon Arifi.

Ai thotë se për këtë është inspiruar nga kontributi i kryediplomatit shqiptar, Gent Cakaj, dhe rolit të tij për barazinë e të gjithëve.

Ja postimi i plotë i Arifit:

‘duke parë reagimin e mediave te regjimit si kundēr dhe deklarimet e institucioneve lokale me duhet te theksoj se vendosjen e ketyre bilbordeve ne Komunen e Preshevës dhe Bujanocit e kemi realizuar Ne e rrjedhimisht unë si iniciator !
– Përtej të gjithavë dua të ritheksoj, cili do qoft dhe kush do qoftë përfaqësues institucional i Republikë së Shqipëris njësoj dhe i Republikës së Kosovës i cili angazhohet drejpërdrejt për barazin dhe lirin e të gjithë popujve të Ballkanit përfshirë dhe Ne,shqiptarët në Serbi, Lugina, Presheva,Bujanoci e Medvegja do ta nderojm, pa dallim e me shumë guxim,kujt i pengon e ka gabim 🙂
GENT CAKAJ NDERI LUGINËS !