HomeEditorial

Heqni dorë nga përqindja e pushtetit, jepni të tërin partisë fituese

Bisedimet që po zhvillohen mes partive politike shqiptare për formimin e qeverisjes së ardhshme lokale, qysh në takimin e dytë, u shndrruan në nda

Kryetari i KK të Bujanocit, Ramadani, takon ministren e re shqiptare të arsimit
Kërcënohet me jetë familja e redaktorit të FOLonline
Nenad Mitroviq: Nagip Arifi më ka gënjyer dhe e ka shkelur marrëveshjen

Bisedimet që po zhvillohen mes partive politike shqiptare për formimin e qeverisjes së ardhshme lokale, qysh në takimin e dytë, u shndrruan në ndarje përqindjesh. Herë 100% e herë 60% është pjesa e kulaçit i cili, sipas fituesit të zgjedhjeve, duhet të ndahet.
Kryetari nuk hyn në përqindjen e ndarjes. Kryetari mbetet përqindje në vete.
Madje, si fitues i zgjedhjeve, nikoqiri i takimit të djeshëm në konferencë për media, pasi ndau përqindjet e subjekteve politike, i dha vetës të drejtë që me “përqindjen” e njërit subjekt politik t’i qerrasë, proporcionalisht subjektet tjera politike.
Duke i ruajtur 40% për partnerët serb dhe duke mos e shtyrë në përqindje pozitën e kryetarit të komunës, e cila lidhet ngushtë me atë të kryeshefit të administratës, zyrës për zhvillim ekonomik, departamentit për investime, etj, fituesi i zgjedhjeve të 21 qershorit pretendon të mos ndajë asgjë.
Edhe e ka mirë. Si fitues i zgjedhjeve që është, pa i komplikuar përqindjet e ndarjen e pushtetit, të gjitha partitë politike shqiptare duhet të heqin dorë nga pjesa e tyre dhe të gjithë pushtetin t’ia besojnë atij.
Fundja, besimi i dhënë nga populli duhet të shndërrohet në fuqi praktike për qeverisje. Ai ka fituar zgjedhjet.
Eshepse Bujanoci ka specifikat e veta dhe një konfiguracion politik të komplikuar, ndoshta është momenti që partia e parë e dalë nga këto zgjedhje të gëzojë mbështetjen e të gjithë rivalëve nga kampusi politik shqiptarë.
Kjo do të thotë që : PVD, LPD, APN dhe UDSH ta mbështesin PD-në në formimin e institucioneve të reja lokale pa asnjë kusht dhe pa hise në ndarjen e pushtetit.
Si epilog, PD do të zotëronte pushtetin 100 %, ndërsa këshilltarët shqiptarë nga subjektet tjera do duhej t’i mbështetnin të gjitha propozimet në Kuvendin Komunal.

COMMENTS