Foto nga spitali i Sofjes: Ambasadori viziton të riun nga Bushtrani që mbijetoi nga autobusi i djegur

Ministria e Jashtme e R. Së Serbisë ka publikuar një foto gjatë vizitës në spitalin e Sofjes nga ambasadori, Zheljko Joviq, të mbijetuarit në tragjedinë e autobusit, Lulzim Sulejmani nga Bushtrani i Preshevës.

Ambasadori Joviq ka shprehur falenderime për stafin e spitalit ndërsa Lulzimit i ka uruar shërim dhe kthim sa më  të shpejtë pranë familjes së tij, transmeton FOLonline.

Lulzim Sulejmani (1995) ka thyer xhamin duke kërcyer nga autobusi i cili kishte marrë flakë.

Me të ka shpëtuar edhe e fejuara e tij nga Kumanova.

Gjithsejt 46 persona kanë humbur jetën nga aksidenti i autobusit kurse kanë shpëtuar shtatë.