Edhe pesë raste të reja me Koronë në Bujanoc

Në komunën e Bujanocit, sot u regjistruan edhe 5 persona të tjerë pozitiv me virusin korona ndërsa priten rezultatet për nëntë të tjerë, tha për “ Bujanovaçke” Dr. Lela Jovanoviq, drejtoreshë e shtëpisë së shëndetit.
Numri i përgjithshëm i pacientëve që nga fillimi i epidemisë në këtë komunë ka arritur në 73.
“ Numri i pacientëve filloi të rritet në mënyrë të pakontrollueshme, si dhe fluksi i pacientëve në Covid ambulancën tonë me simptoma të infeksioneve të frymëmarrjes. Kjo është arsyeja pse u bëjmë thirrje përsëri qytetarëve që të zbatojnë masat e përcaktuara, sepse kjo është mënyra e vetme për të parandaluar përhapjen e epidemisë “, tha Dr. Jovanoviq.