Kamberi në Tiranë pritet nga drejtuesit e Republikës së Shqipërisë

Deputeti popullor, Shaip Kamberi, është pritur sot në Tiranë nga drejtuesit më të lartë të shtetit shqiptarë.

Në agjendën e Kamberit kanë qenë takimi me presidentin e Republikës, Bajram Begaj, me kryetaren e Kuvendit, Elisa Spiropali dhe Ministrin për Evropë dhe Punë të Jashtme, Igli Hasani.

Ja se si i ka parë deputeti këto takime:

Postimi pas takimit me presidentin Begaj:

Presidenti i Republikës së Shqipërisë, SH.T. Bajram Begaj, dhe institucioni i presidentit është adresë e rëndësishme për hallet dhe brengat me të cilat përballën shqiptarët e Luginës së Preshevës.

Mbështetja nga institucioni i presidentit jashtëzakonisht e rëndësishme për avancimin dhe realizimin e të drejtave të shqiptarëve të Luginës.

Postimi pas takimit me kryeparlamentaren Spiropali:

Linja e veçantë buxhetore për Luginën e Preshevës paraqet domosdoshmëri për mirëqenien e qytetarëve të komunave tona ndërsa koordinimi dhe bashkëpunimi me Republikën e Shqipërisë ofron garanci në avancimin dhe realizimin e të drejtave tona kolektive.

Kënaqësi të takoja sot në Tiranë, Kryetaren e Kuvendit të Republikës së Shqipërisë 🇦🇱, znj. Elisa Spiropali, me të cilën bashkëbiseduam për çështjet e lartëpërmendura.

Përparimi i Shqipërisë në rrugën evropiane është mundësi për përparimin e shqiptarëve gjithëandej.Postimi pas takimit me ministrin Hasani:

Me ministrin për Evropën dhe punët e jashtme të Republikës së Shqipërisë 🇦🇱, z. Igli Hasani, biseduam për rëndësinë e rrespektimit të drejtave që i takojnë komunitetit shqiptarë në Luginë të Preshevës dhe për rëndësinë që ka rruga evropiane e rajonit.

Përgëzova ministrin Hasani për arritjet e Shqipërisë dhe hapjen e negociatave për anëtarësim në Bashkimin evropian.

Rruga drejtë BE-së e vendeve të rajonit paraqet mundësi që edhe pakicat të arrijnë realizimin e plotë të të drejtave të tyre.