Kryetari i Këshillit Kombëtar Shqiptar, Nevzad Lutfiu, ka ftuar në takime drejtuesit e spektrit politik të shqiptarëve të Luginës për të diskutuar
Kryetari i Këshillit Kombëtar Shqiptar, Nevzad Lutfiu, ka ftuar në takime drejtuesit e spektrit politik të shqiptarëve të Luginës për të diskutuar për rrjedhat aktuale në këtë rajon.
Në një deklaratë për FOLonline, kryetari Lutfiu theksoi se takimet me drejtuesit e subjekteve politike nisin nga dita e mërkurë, për tu përmbyllur me një takim të përbashkët i cili do të pasoi pas ciklit të takimeve individuale.
Temat e diskutimeve, sipas Lutfiut, i përkasin diskriminimit shtetëror ndaj shqiptarëve i cili po shkon duke u thelluar kohëve të fundit.
Vlen të thuhet se takimet në fjalë do të mbahen akoma pa u konsituar organet e reja të vetqeverisjes lokale në Bujanoc dhe Preshevë si rrjedhojë e zgjedhjeve të dy qershorit.
Nëse do të flitet edhe për këto çështje në serinë e këtyre takimeve mbetet të shihet.
COMMENTS