Deputetët shqiptarë takojnë ambasadorin e Turqisë në Serbi

Deputetët shqiptarë në parlamentin republikan, Shaip Kamberi dhe Nadije Beqiri, kanë qëndruar sot në Ambasadën e Turqisë në Beograd.

“Bashkë me deputeten Nadije Beqiri, sot, vizituam Ambasadën e Turqisë në Beograd.

Me Ambasadorin Hami Aksoy biseduam për mundësinë e investimeve turke në Luginë të Preshevës dhe projekteve konkrete në infrastrukturë e arsim”, ka shkruar deputeti, Shaip Kamberi, në Facebook, pas këtij takimi.