Komuna e Bujanocit është përzgjedhur në mesin e nëntë komunave në Serbi që do të përfitojnë nga një projekt i Qeverisë së Emirateve të Bashkuara Ara
Komuna e Bujanocit është përzgjedhur në mesin e nëntë komunave në Serbi që do të përfitojnë nga një projekt i Qeverisë së Emirateve të Bashkuara Arabe, i cili synon modernizimin dhe digjitalizimin e shërbimeve administrative.
Lajmin e ka bërë të ditur kryeshefi i Administratës komunale të Bujanocit, Selami Mustafa, i cili së bashku me kryeshefin e Drejtoratit për Administratë të Përgjithshme, ka qëndruar për një vizitë zyrtare treditore në Dubai.
Sipas Mustafës, projekti ka të bëjë me renovimin dhe digjitalizimin e Qendrës së Asistencës, përkatësisht krijimin e një qendre unike administrative.
“Qëllimi i këtij projekti është përmirësimi dhe digjitalizimi i kësaj qendre, ashtu që të iu mundësohen shërbime sa më adekuate, më të shpejta e më të mira”, ka deklaruar Mustafa.
Përveç Bujanocit, në mesin e komunave përfituese janë edhe Subotica, Kragujevci, Zrenjanini, Pançeva, Zajeçari, Priboj, Prijepolja dhe Lloznica.
Realizimi i projektit për Komunën e Bujanocit është planifikuar gjatë vitit 2027.
COMMENTS