Brnabiq: Të shtunën e ndryshojmë ligjin, të dielen i shpallim zgjedhjet

Kryetarja e Kuvendit, Ana Brnabiq, në vazhdën e deklarëtës së saj për ditën e zgjedhjeve lokale më 2 qershor ka shtuar se fillimisht duhet ndryshuar nenin 35 të Ligjit për Vetqeverisjen Lokale, transmeton FOLonline.

“ Të shtunën do të mblidhet parlamenti për të ndryshuar këtë ligj ndërsa të dielen do t’i shpallim zghedhjet”, ka theksuar Brnabiq.

Ajo më herët bëri të ditur se janë pranuar kërkesat e opozitës për zgjedhje të përbashkëta me ato të Beogradit për datën 2 qershor.

Ndërkohë, nga opozita për sonte janë paralajmëruar mbledhjet ku do t’i jipet përgjigje Brnabiqit, e cila kishte theksuar se një vendim të tillë e ka marrë pas konsultave me presodentin Vuçiq.