Ashpërsohen masat: Mbyllen tregjet në Bujanoc

Shtabi Komunal për Situata të Jashtëzakonshme ka vendosur që tash e tutje të mbyllen tregjet në komunën e Bujanocit.
Ky vendim do të vlejë deri tek prurja e një vendimi tjetër në varësi të situatës epidemilogjike, raporton FOLonline.
I pyetur nga FOLonline, kryetari i komunës Nagip Arifi ka theksuar se ky ka qenë një vendim i vështirë duke pasur parsysh situatën ekonomike.
Megjithatë, Arifi ka shfaqur shpresën se kjo gjendje do të kalojë dhe gjithçka do t’i kthehet normalitetit.