APN: Qeveria e Serbisë emëron udhëheqës të Këshillit Kombëtar Shqiptar, Ragmi Mustafin e PVD-së.

Komunikatë për media

Qeveria e Serbisë emëron udhëheqës të Këshillit Kombëtar Shqiptar, Ragmi Mustafin e PVD-së.

Në traditën dekadore të bashkëpunimit mes PVD-së dhe qeverive të Serbisë, normalisht ka rrjedhur edhe vendimi mbi emërimin e atij që ka mohuar më herët se do të emërohet kryetar i Organit të Dhunshëm.

Pas shumë muajve deklarata patriotike nga PVD, se nuk do të udhëheqin me Organin e Përkohshëm në KKSH, pasi gjithmonë e kanë quajtur Organ të Dhunshëm, sa herë që bëhej fjalë që dikush tjetër pos tyre të jetë në krye të këtij institucioni, me thirrjen e fundit nga Beogradi, pranuan të udhëheqin me KKSH-në.

PVD në bashkëpunim me keqqeverisjen e VV-së, mbajti peng pozitën e udhëheqësit për muaj me radhë, duke tentuar përvetësimin e asaj pozite, duke u thirrur mbi parimin e të parit. Kjo, mori kuptim kur erdhi thirrja nga Beogradi, thirrje së cilës i’u përgjigj si gjithmonë vetëm PVD.

Ftesën e kryeministres, Ana Brnabiq për vendosjen në mënyrë të dhunshme të parin e KNSH-së padyshim PVD në krye me Shaip Kamberin, Ardita Sinanin e Ragmi Mustafin, e pranoi me kënaqësi, pasi vetëm kështu mund të kamuflonin zhvatjen e fondit 1.2 milion euro të Qeverisë së Kosovës dhe jo vetëm. Skandal ky, për të cilin masa e gjerë është e njoftuar hollësisht.

ALTERNATIVA për Ndryshim, me kauzën e madhe për rikthimin e dinjitetit institucionit që përfaqëson shqiptarët, ka deklaruar me kohë se nuk do të jetë pjesë e një organi të dhunshëm dhe një qeverisjeje të imponuar nga direktivat serbe. Me këtë, kandidati Levent Ridvan Qazimi, nuk ka pranuar të jetë pjesë e udhëheqjes së re të cilën e përcakton çdokush tjetër pos sovranit.

Institucioni që bartë vlera kombëtare, të cilat me vite janë zbehur si rezultat i bashkëpunimit me strukturat e qeverisë së Serbisë, meriton rikthim të dinjitetit dhe përfaqësim që lufton diskriminimin e shqiptarëve dhe JO MË qeverisjen e politikanëve hipokrit që ditën bashkëpunojnë me Kosovë dhe natën me Serbinë!

Shërbimi për Informim
ALTERNATIVA për Ndryshim