Ndërron jetë 30 vjeçari nga Tërnoci

Në orët e mbrëmjes, në Qendrën Klinike Universitare të Nishit ka ndërruar jetë, Arben Ismaili, nga Tërnoci.

Familjarët i thanë FOLonline se 30 vjeçari kishte dy javë që po luftonte me jetën si pasojë e plagëve të rënda të shkaktuara nga rrëzimi në vendin e punës.

Edhe përkundër përpjekjeve të stafit mjekësor, lëndimet e marra dolën të jenë fatale për të riun Ismaili.

Për kohën e varrimit familjarët do të njoftojnë ditën e nesërme.