Kanë vazhduar reagimet në formë ngushëllimi pas ngjarjes tragjike në fshatin Konçul të Bujanocit, ku si pasojë e rënies aksidentale në lumin Morava
Kanë vazhduar reagimet në formë ngushëllimi pas ngjarjes tragjike në fshatin Konçul të Bujanocit, ku si pasojë e rënies aksidentale në lumin Morava gjeti vdekjen i mituri 7 vjeç D.Z, shkruan Folonline.com
Pas kryetarit të komunës, njëkohësisht dhe kryetar i PVD-së, Shaip Kamberi dhe kryetarit të APN-së në Bujanoc, Arbër Pajaziti, së fundmi kanë reaguar edhe kryetari i PD-së, Nagip Arifi dhe ai i LPD-së, Shqiprim Musliu.
„ Një lule më e bukur sot na u këput në Konçul, ndajmë dhimbjen e thellë s’bashku me familjen Zahiri kurse Dionin Zoti e shperbleftë me Xhennet „, ka shkruar në profilin e tij në FB kreu i subjektit politik- Partia Demokratike, Nagip Arifi.
Ndërsa, në mes tjerash, lideri i LPD-së, Shqiprim Musliu, është shprehur me këto fjalë:
„ Familja Zahiri humbi një fëmijë në moshën më të mirë, e fshati ynë Konçuli, një lule të rinisë.
Familjes Zahiri i shprehë ngushëllimet më të përzemërta, duke e lutur Zotin e Madhëruar në këto ditë të bekuara të Ramazanit t’i dhuroj qëndrueshmëri e durim në këtë sprovë, sepse edhe Allahu i Madhëruar shprehet se fëmijët janë sprovë për prindërit e tyre, por sprova e familjes Zahiri në këtë ditë është më e veçantë e më e trishtuar „.
COMMENTS