Inicohet projekti “Hambari i Luginës”, prezent edhe kryetari Pajaziti

Sot është inicuar projekti “Hambari i Luginës”, një investim i rëndësishëm i iniciuar nga Unioni i Afaristëve “Vizioni”, që synon të nxisë zhvillimin bujqësor dhe ekonomik të komunës dhe të të gjithë rajonit.

Në ceremoninë inauguruese mori pjesë edhe kryetari i komunës së Bujanocit, Arbër Pajaziti, i cili e cilësoi këtë projekt si një hap të rëndësishëm drejt modernizimit të bujqësisë lokale.

Sipas Pajazitit, “Hambari i Luginës” do të krijojë kushte më të mira për fermerët, do të ndihmojë në ruajtjen dhe plasmanin e produkteve vendore, si dhe do të hapë mundësi të reja punësimi për banorët e zonës.

Kryetari shprehu falënderim për të gjithë ata që po kontribuojnë në realizimin e këtij investimi me vlerë për Bujanocin dhe Luginën e Preshevës.