Vizioni i “Bacit”

Sot gjithandej Luginës u panë urime e lëvdata nëpër rrjetet sociale për organizimin e Referendumit të vitit 1992 kur Bujanoci, Presheva dhe Medvegja deklaroheshin për autonomi politiko-territoriale me të drejtë bashkimi me Kosovën.

S’do mend se duhej një guxim intelektual, qytetar e politik për të ndërmarrë një hap të tillë në kohën kur po mbretëronte një presion sistematik mbi shqiptarët në ish-Jugosllavi.

Sevdail Hyseni, ish aktivist politik, ishte njëri ndër organizatorët kryesor të këtij Referendumi.

Megjithatë, ai ishte edhe një gazetar dhe publicist ndërsa me penën e tij ka thurur vargje të cilat, sidomos përmes zhanrit të satirës kanë lënë gjurmë të thella tek lexuesi.

Shumica e krijimeve të “Bacit”, edhepse të shkruara gati tre dekada më parë, akoma nuk e kanë humbur aktualitetin.

Njëra ndër poezitë ka të bëjë pikërisht me Referendumin e vitit 1992.

Që atëherë, Sevdail Hyseni-Baci, ka paraparë “fatin” e këtij Referendumi.

Është interesante se si autori përmes vargjeve parasheh luftërat për pushtet dhe përçarjet ndërshqiptare.

Poezia kushtuar Referendumit është titulluar “Kosova Lindore” dhe është pjesë e librit “Kur të qesh fati” të botuar në vitin e largët, 1994.

Lexim të këndshëm!

P.S.: Poezia “Kosova Lindore”, është botuar në librin e anatemuar me satira “Kur të qeshë fati”, më 1994, dy vjet pas organizimit të Referendumit të 1 dhe 2 marsit 1992, autori i së cilës, u nxor 28 herë në Gjyq, për pesë vjet rresht, me akuzën se kishte tallur e qesëndisur kombet dhe kombësitë e ish jugosllavisë. Edhe pas 27 vjet nga botimi i kësaj satire dhe po ashtu pas 29 vjet të organizimit dhe mbajtjes së Referendumit të shqiptarëve të Luginës për bashkëngjitje me Kosovën, nuk është zbehur jehona e saj.