“Tripat e Gipës”: Uron Bajramin me bakllavë nga deponia e Tërnocit (video)

Nagip Tashi, i cili ka bër emër në publikun e Luginës me aksionet e tij të ndryshme, sot përsëri ishte aktiv.

Me një ironi të paparë duke dashur t’i kushtojë vëmendje ambientit, ai ka zgjedhur periferinë e Tërnocit për të “uruar” festën e Bajramit.

Në fokus të Gipës ishte rruga Tërnoc- Breznicë e cila kohëve të fundit është përplot mbeturina të ndryshme.

Me bakllavë në gojë dhe përskaj bërdhogjeve,  simbolika e Nagip Tashit paraqet vetëdijësimin e munguar të qytetarëve për ambientin ku ata jetojnë dhe veprojnë. Poashtu është edhe kritikë për autoritetet lokale për mungesën e ndërmarrjes së hapave të pastërtisë, të paktën gjatë festave.