Tekste dhe çanta shkollore për nxënësit shqiptarë të Medvegjës

Medvegja ishte ndalesa e radhës në kuadër të shpërndarjes së teksteve mësimore për nxënësit shqiptarë, një nismë e mundësuar falë mbështetjes dhe financimit të Qeverisë së Republikës së Kosovës, në bashkëpunim me Këshillin Kombëtar Shqiptar.

Kjo nismë synon që çdo nxënës shqiptar në Luginë të ketë mundësi të barabarta në arsim, duke pasur tekstet dhe mjetet e nevojshme për procesin mësimor.

Kryetari i KKSH-së, Enkel Rexhepi, theksoi se ky angazhim do të vazhdojë edhe më tej, me qëllim që nxënësit shqiptarë të ndihen të barabartë me bashkëmoshatarët e tyre në hapësirat mbarë shqiptare.