HomePolitikë

Takohen Kurti e Kamberi

Kandidati për kryeminstër të Kosovës nga Lëvizja Vetëvendosje, njëkohësisht dhe kryetar i këtij subjekti politik, Albin Kurti, ka takuar sot në Pr

APN: Prokuroria e Lartë Publike hedh poshtë Kallëzimin Penal kundër kryetarit Shqiprim Arifi
Pajaziti: Lugina do të ketë gjithnjë përkrahjen e Kosovës
Alternativa e përkushtuar për bashkëpunim me SHBA-të

Kandidati për kryeminstër të Kosovës nga Lëvizja Vetëvendosje, njëkohësisht dhe kryetar i këtij subjekti politik, Albin Kurti, ka takuar sot në Prishtinë deputetin popullor dhe kryetarin e Partisë për Veprim Demokratik, Shaip Kamberin.

Në takimin i cili shoqërohej edhe nga përfaqësueisit e subjektve në fjalë, Liburn Aliu-LVV dhe Ardita Sinani-PVD, u bisedua për planet e qeverisjes së ardhshme të Kosovës në raport me Luginën.

Pas takimit, LVV ka dal me një komunikatë për opinion:

Deputetin shqiptar nga Lugina e Preshevës, ish-kryetarin e komunës së Bujanocit, z. Shaip Kamberin, të shoqëruar nga ish-kryetarja e Preshevës, tani kandidatja për këtë komunë, znj. Ardita Sinani, i priti sot në takim kryetari i Lëvizjes VETËVENDOSJE!, njëherazi kandidati ynë për kryeministër, Albin Kurti, së bashku me kandidatin për deputet, Liburn Aliu.

Në këtë takim u diskutua për zhvillimet politike në Luginë e në Kosovë. Për projektin e fshirjes së shqiptarëve nga regjistrat civilë në Medvegjë, dhe për angazhimin që mund ta bëjmë për t’iu kundërvënë një spastrimi të tillë. Me bindjen se fshirja e shqiptarëve nga regjistrat civil është e papranueshme e duhet të ndalet, nënvizuam se Kosova e Shqipëria e kanë për obligim, e qeverisja jonë e re do të angazhohet, që ta ngris këtë çështje Bruksel e në Washington D.C., në OSBE, dhe në të gjitha organizatat tjera që merren me liritë dhe të drejtat e njeriut.

Me z. Kamberi dhe znj. Sinani folëm edhe për zgjedhjet e parakohshme në Kosovë, për padrejtësitë e pengesat që po na vihen në ditën e referendumit, dhe për përgatitjet që jemi duke i bërë për të qeverisur si shumicë pas 14 shkurtit. Ata na uruan sukses në këto zgjedhje, e ne ndamë bindjen që si qeveri e ardhshme do të angazhohemi për ta ndihmuar Luginën, edhe me projekte konkrete, por edhe duke e ngritur zërin kundër shkeljeve që po u bënë shteti serb shqiptarëve atje, thuhet në komunikatën e LVV-së.

COMMENTS