Ja nga sa deputet do të marrin subjektet në Kosovë

Deputeti popullor, Shaip Kamberi, duke qenë i ftuar sonte në emisionin “Debat plus” në TV Dukagjini në insistimin e moderatorit, Ermal Panduri, ka bërë parashikimin e përbërjes së re të parlamentit të Kosovës i cili do të dalë nga zgjedhjet e 14 shkurtit.

Sipas Kamberit, LVV do ti sigurojë 48 ulëse, PDK 24, LDK 21 ndërsa AAK do të përfaqësohet nga 7 deputet.

Ndër të tjera, në emisionin e sontëm, Kamberi në panelin me analistët ka folur edhe për pritshmëritë nga qeveria e re në Kosovë si dhe ka ritheksuar se duhet të vendoset reciprocitet midis pozitës së serbëve në Kosovë dhe shqiptarëve në Luginë.