Si t’kërkohen informacione me rëndësi publike…

Në Bujanoc sot është organizuar një tryezë e rrumbullakët me tematikën „ E drejta për qasje në informata të rëndësisë publike dhe mbrojtja e të dhënave personale „.

Bashkëorganizator të tryezës ishin Komisioneri për informata të rëndësisë publike dhe mbrojtjen e të dhënave personale, OSBE, Trupi Kordinues për Preshevë, Bujanoc dhe Medvegjë si dhe Konferenca e Përbashkët e Qyteteve dhe Komunave në Serbi.

Me këtë rast, është folur për vlerat themelore të Ligjit për qasje të lirë në informacionet e rëndësisë publike dhe mbrojtjen e të dhënave personale, të drejtat dhe obligimet e organeve publike ndaj kërkesave për qasje të lirë në këto informacione, veprimin e personave të autorizuar ndaj kërkesave për qasje të lirë në informacione të rëndësisë publike, rolin dhe rëndësinë e personaliteteve për mbrojtjen e të dhënave personale, etj.

Në debatin e sotëm pjesëmarrës ishin përfaqësues nga komunat e jugut të Serbisë dhe mediat.