HomeAktuale

Shqipëria po insiston për koalicion gjithshqiptar në Bujanoc

[ Dalëngadal po hyn në orën e tretë takimi në Tiranë midis përfaqësuesve të subjekteve politike shqiptare dhe ministrit në detyrë për Evropë dhe Punë

Kamberi fajëson Beogradin për diskriminim ndaj shqiptarëve
Miratohet buxheti i përkohshëm i komunës së Preshevës
Përmbyllet manifestimi “Ditët e Jonuz Musliut” (video)

[
Dalëngadal po hyn në orën e tretë takimi në Tiranë midis përfaqësuesve të subjekteve politike shqiptare dhe ministrit në detyrë për Evropë dhe Punë të Jashtme i Republikës së Shqipërisë, Gent Cakaj.
Temë e vetme e këtij takimi është arritja e koalicionit gjithshqiptar në Bujanoc, raporton FOLonline nga Tirana.
Përballë kryediplomatit shqiptar ndodhen liderët e subjekteve politike, Shaip Kamberi-PVD, Nagip Arifi- PD, Arbër Pajaziti- APN, Shqiprim Musliu -LPD, me bashkëpunëtorët e tyre.
Para fillimit të takimit të përbashkët të caktuar në ora 13.30, Cakaj kishte takuar të vetëm kryetarin e PD-së, Nagip Arifin, i cili pas refuzimit të djeshëm, sot i’u ishte përgjigjur ftesës për takim.
Gjatë ditës së djeshme, sipas agjendës, takim me kryediplomatin Cakaj kishte zhvilluar kryetari i PVD-së, Shaip Kamberi.
Në mbrëmje, takim me Gent Cakajn kishte pasur edhe kreu i LPD-së, Shqiprim Musliu, i cili siç mëson FOLonline ishte ftuar me urgjencë në Tiranë duke lënë kështu në „ lloç „ koalicionin paraprak me PD-në dhe SNS-in.
Burimet e FOLonline thonë se Cakaj dhe shteti shqiptar janë të vendosur që me ngulm të arrihet koalicioni gjithpërfshirës shqiptar në Bujanoc.
Takimi i sotëm ka lënë nën hije seancën e ftuar për nesër rreth konstituimit të Kuvendit Komunal të Bujanocit, e ftuar nga nënshkrimet e PD-së dhe LPD-së.
Varësisht nga rezultatet e bisedimeve të sotme, seanca në fjalë edhe mund të shtyhet.

COMMENTS