HomeAktuale

Qeveria e Serbisë zvoglon buxhetin për Luginë, Kamberi hedh dyshime se kjo ta bëjë me donacionin e Kosovës

Qeveria e Serbisë zvoglon buxhetin për Luginë, Kamberi hedh dyshime se kjo ta bëjë me donacionin e Kosovës Trupi Kordinues për komunat e Preshevës,

Mirënjohje për Galip Beqirin nga BL e Tërnocit
Arifi: Fjala jonë është puna
Sot përfundon viti shkollor

Qeveria e Serbisë zvoglon buxhetin për Luginë, Kamberi hedh dyshime se kjo ta bëjë me donacionin e Kosovës

Trupi Kordinues për komunat e Preshevës, Bujanocit dhe Medvegjës ka zvogluar për 20 përqind mjetet e dedikuara për këto komuna, shkruan Folonline.com.
Ky vendim i këtij organi qeveritar nuk është arsyetuar sa duhet, ndërkohë që si pasojë e tij do të zvoglohen edhe investimet në Luginë.
Kryetari i komunës së Bujanocit, Shaip Kamberi, ka hedhur dyshime se një vendim i tillë mund të jetë edhe formë reakcioni ndaj donacionit të qeverisë së Republikës së Kosovës.
Madje, Kamberi nuk ka lënë pa përmendur edhe fushatën mediale e cila sipas tij ka ndikuar edhe në këtë hap të Trupit Koordinues.
Sido që të jetë, Kamberi potencon se do të jenë vet qytetarët e komunave të Luginës të cilët do të pësojnë nga ky zvoglim mjetesh:

Postimi i plotë i kryetarit të komunës së Bujanocit, Shaip Kamberi:

Qeveria e Serbisë as pas përfundimit të gjendjes së jashtëzakonshme nuk ka ndonjë program të veçantë për të ndihmuar komunat e pazhvilluara, buxhetet e të cilave më së shumti janë goditur nga gjendja e jashtëzakonshme dhe mosfunksionimi i ekonomisë të cilën e solli si pasojë beteja kundër Covid 19.

Por, lajmë më i keq është se Qeveria e Serbisë ka zvogluar për 20 përqind buxhetin e Trupit koordinues për Bujanoc, Preshevë dhe Medvegjë e që do të ketë ndikim të drejtpërdrejtë në financimin e projeketeve të nisura e që mjetet i ndanë Trupi koordinues.

Ky zvoglim për 20 përqind i buxhetit, që do të jetë në vlerë prej mbi 20 milionë për Bujanoc dhe 20 milionë për Preshevë duket nuk e brengosë askend sepse temat e trilluara po tentojnë ta kaplojnë hapsirën tonë mediale.
Siç zakonisht ndodhë në mentalitetet mediokër, më mirë është të sulmosh atë që të ka ndihmuar (Qeverinë e Republikës së Kosovës) se sa ata që t’i ndalin mjetet që kanë qenë të parapara me buxhet.

Pse po ndodh kjo në këtë kohë, kur duhet të lobojmë bashkë që shembullin e Kosovës ta ndjekë edhe Shqipëria, a është vetëm pasojë e sjelljeve të mendjeve mediokër apo ka një plan të menduar mirë për të penguar ndihmat e këtilla, do të tregojë koha.

Është fakt se Vendimi i Qeverisë në Prishtinë për ta ndihmuar Luginën e Preshevës me 500 mijë euro, ka patur jehonë të madhe pozitive.
Kjo jehonë është ka e pengon dikend.

Ai që nuk po e duron këtë ndihmë dhe jehonën që e krijoi ajo, apo ai që i frikësohet ndihmave të vazhdueshme që Kosova mund të çojë drejt Luginës, po mundohet që përmes mendjeve mediokër ta diskreditojë gjithë këtë punë.
E kjo që do të kemi minus 20 përqind në buxhetet tona, s’na qenka për të nxitur debat. Çudi.

COMMENTS