HomePolitikë

PVD për inicimin e koalicionit paszgjedhor me LPD-në, PD-në dhe PDSH-në, pa APN-në

Këshilli i Përgjithshëm i Partisë për Veprim Demokratik, pas një takimi të mbajtur së fundmi, thotë se inicion një koalicion të zgjeruar paszgjedh

Shtyhen zgjedhjet në KF “ Tërnoci “, Kuvendi i ri zgjidhet më 30 gusht
N.P. Komunalia: Po punohet për rifurnizim me ujë të pijshëm
Nuk kalon kërkesa e KSHL-së për rivotim në Tërrnoc (dokument)

Këshilli i Përgjithshëm i Partisë për Veprim Demokratik, pas një takimi të mbajtur së fundmi, thotë se inicion një koalicion të zgjeruar paszgjedhor për Këshillin Kombëtar Shqiptar.

Me këtë rast, PVD ndërtimin e koalicionit e parasheh me PD, LPD dhe PDSH, por jo edhe me APN.

Kumtesa e PVD-së:

KUMTESË NGA KËSHILLI I PËRGJITHSHËM I PARTISË PËR VEPRIM DEMOKRATIK

Partia për Veprim Demokratik, në mbledhjen e Këshillit të përgjithshëm të mbajtur më 18.11. 2022, pas analizës së rezultateve zgjedhore, konstatimit që Lista e Partisë për Veprim Demokratik është ajo që ka numrin më të madh të votave në nivel të Luginës, falënderon anëtarët, simpatizantët, aktivistët dhe strukturat e veta, e sidomos komisionerët nëpër vendvotime, për angazhimin e madh për të arritur këtë fitore politke në një garë tejet të rëndë zgjedhore.

Angazhimi i zgjedhësve të PVD-së, që solli fitoren e PVD-së, dëshmon sërish, se perspektiva e veprimit politik të shqiptarëve në Luginë të Preshevës mbetet perspektiva e angazhimit rajonal, në Preshevë, Bujanoc e Medvegjë.

Në fillimin e procesit të ndërtimit të koalicionit të ardhshëm për qeverisjen e KKSH-së, Këshilli qëndror i Partisë për Veprim Demokratik, ka vendosur:

• Partia për Veprim Demokratik inicon ndërtimin e një koalicioni të zgjeruar PVD – LPD – PD – PDSH duke rrespektuar parimin elementar të demokracisë – parimin e fituesit të zgjedhjeve.

• Partia për Veprim Demokratik konsideron se ruajtja e bashkëpunimit me subjektet partnere i hapë rrugë jo vetëm një ndërtimi të koalicionit stabil në qeverisjen e KKSH-së por edhe ruajtjen e stabilitetit politik në nivel të Luginës së Preshevës. Në të njejtën kohë, platforma e përbashkët politike forcon elementin shqiptar në betejen e ruajtjes dhe avancimit të të drejtave kombëtare në koordinim me Prishtinën e Tiranën.

• Partia për Veprim Demokratik konsideron se dakordimi me Prishtinën e Tiranën dhe me partnerët ndërkombëtar është rruga e vetme politike që duhet të udhëheq me institucionet që për qëllim kanë angazhimin për mbrojtjen dhe avancimin e të drejtave të shqiptarëve të Luginës.

Prandaj, në ditët në vijim Partia për Veprim Demokratik do të inicojë takime konsultative me subjektet tjera për ndërtimin e qverisjes së re në Këshillin Kombëtar.

COMMENTS