Protesta për mungesën e ujit, drejtuesit komunal premtojnë zgjidhje

Foto: Bujanovaçke

Dhjetëra qytetarë të nacionalitetit serbë nga disa fshatra kanë protestuar sot para ndërtesës së komunës së Bujanocit për shkak të mungesës së furnizimit me ujë të pijshëm.

Më pas, protestuesit janë zhvendosur në shtëpinë e kulturës ku janë takuar me kryetarin e komunës, Nagip Arifi, dhe drejtuesit e N.P. Komunalia.

Protestuesit janë shpërndarë të qetë duke marrë premtime nga udhëheqësia komunale se gjendja e furnizimit me ujë do të stabilizohet.