Përgatitjet për buxhetin e vitit 2023

Komuna e Bujanocit ka nisur përgatitjet për planifikimin e buxhetit për vitin 2023.

Në këtë rrafsh, kryetari i komunës, Nagip Arifi, ka filluar konsultimet me shfrytëzuesit direkt dhe indirekt të buxhetit.

“Në kuadër të përgatitjeve për buxhetin e vitit 2023, si dhe për rishikim e buxhetit për këtë vit, sot takova drejtorat e shkollave fillore dhe të mesme si dhe shfrytëzuesit direkt dhe indirekt të buxhetit për konsultime, për të dëgjuar kërkesat e tyre që të bëjmë planifikimin sa më të mirë të mjeteve financiare”, ka shkruar Arifi në Facebook.