Për çka po bëhet gati policia në Bujanoc ? ( Foto )

Forca të shtuara të policisë janë vërejtur në pjesën anësore të stacionit policor në Bujanoc, raporton FOLonline nga vendi i ngjarjes.
Siç shihet në pamje ata janë të pajisur me mjete për intervenim të shpejtë, siç janë jelekë antiplumb, mbrojtëse xhami, helmeta, etj.
Siç merr vesh FOLonline, pjesëtarët e MPB-së do të dërgohen në drejtim të Surdulicës si pjesë shtesë e përforcimeve me rastin e ndeshjes çerekfinale të Kupës së Serbisë në futboll e cila zhvillohet sot midis ekipit vendas, Radnik, dhe klubit të popullarizuar nga Beogradi, Partizan.