Nuk ka boks në Bujanoc

Turneu tradicional i boksit „Tërnoci 2021“ është anuluar në momentet e fundit.

Lajmin e bëri publik trajneri i KB „Tërnoci“, Ridvan Imeri, i cili theksoi se deri tek anulimi erdhi pasi që policia e Serbisë nuk u ka lejuar hyrjen boksierve kosovarë në këtë territor.

Turneu është dashur të mbahet në sallën e sportit në Bujanoc prej nga Imeri ka postuar një foto nën shoqërimin edhe të deputetit popullor, Shaip Kamberi.

Postimi i Imerit:

Edhe kjo ndodh!

Pas pregaditjeve të shumta për Turneun Tradicional, policia serbe në kufij ktheu boksjerët kosovar mbrapa dhe Turneu u anulua për kohë të pacaktuar.