Bujanoci përfiton 5000 euro nga Shqipëria

Komuna e Bujanocit përmes faqes zyrtare në Facebook ka njoftuar për përfitimin e një donacioni nga Shqipëria.

Postimi i plotë:

BUJANOCI PËRFITON DONACION NGA MINISTRIA PËR EVROPË DHE PUNË TË JASHTME TË REPUBLIKËS SË SHQIPËRISË

Ministria për Evropë dhe Punë të Jashtme e Republikës së Shqipërisë, përmes ambasadës së saj në Beograd ka dhuruar një donacion me vlerë prej 5.000 € për komunën e Bujanocit.
Donacioni i dedikohet të rinjëve të komunës së Bujanocit, të cilët me blerjen e pajisjeve kompjuterike do t’i mundësohet aftësimi në sfera të ndryshme.

E gjithë kjo është si rrjedhojë e takimit të kryetarit të komunës së Bujanocit Nagip Arifi me Ministrin për Evropë dhe Punë të Jashtme të Republikës së Shqipërisë Gent Cakaj më 4 Nëntor të këtij viti në Tiranë, ku pos problemeve kyqe të shqiptarëve rreth pasivizimit të adresave, u shtjellua edhe kërkesa e kryetarit Arifi për t’i ndihmuar të rinjtë e komunës së Bujanocit.