“Nuk është reale që sot të zbuten masat”

Kryeministrja e Serbisë, Ana Brnabiq, i tha TV Prva se nuk është reale që masat kundër koronavirusit të zbuten sot.

Siç shpjegoi ajo, kjo temë është ende duke u shqyrtuar.

“Sot, ne do të fillojmë bisedimet mbi atë temë, kështu që vendimi nuk do të merret sot,” tha Brnabiq, transmeton FOLonline.

Sipas saj, sot do të diskutohet për parametrat që duhet të plotësohen në mënyrë që situata të relaksohet më tej – në mënyrë që puna e objekteve hotelierike dhe gjithçka tjetër të jetë deri në orën 22:00.