Nis pastrimi i kanalit përgjatë Rrugës së Vjetër në Bujanoc

Ka nisur pastrimi i kanalit përgjatë Rrugës së Vjetër në Bujanoc, në një gjatësi prej 2.5 kilometrash, pas kërkesës së Komunës drejtuar ndërmarrjes publike “Srbija Vode”.

Kryetari i Komunës së Bujanocit, Arbër Pajaziti, ka bërë të ditur se ndërhyrja vjen pas një takimi me drejtorin e kësaj ndërmarrjeje, ku është kërkuar zgjidhja e këtij problemi të kahershëm.

Sipas Pajazitit, punimet tashmë kanë filluar, duke shënuar një hap drejt zgjidhjes së një problemi që ka shqetësuar për një kohë të gjatë zonën përgjatë kësaj rruge.